اقتصادی تعاون تنظیم (ای سی او) کے 27ویں وزارتی اجلاس سے خطاب کرتے ہوئے انہوں نے کہا کہ علاقائی تعاون کو مستحکم کرنے کے لیے محض بات چیت کافی نہیں بلکہ عملی اقدامات کی ضرورت ہے۔ ای سی او ممالک کے مابین تجارت کا حجم موجودہ علاقائی تجارت کا محض 8 فیصد ہے، جسے بڑھانا مشترکہ ہدف ہونا چاہیے۔
اسحاق ڈار نے زور دیا کہ وسطی ایشیا کو بحیرہ عرب کی بندرگاہوں سے جوڑنے والے کوریڈور منصوبوں کی رفتار بڑھانا وقت کی ضرورت ہے۔ موسمیاتی تبدیلی خطے کی زرعی اور آبی سلامتی کے لیے سنگین خطرہ بن چکی ہے، جس کے لیے پائیدار توانائی اور موسمیاتی مزاحمت والے بنیادی ڈھانچے پر تعاون کو یقینی بنانا ہوگا۔
